最近愛上食車厘茄

因為健康問題，最近成日食沙律，減少食肉。亦每日會買水果食。其中車厘茄就係我成日會買嘅水果之一。
以前成日會買啲零食擺喺公司，有時做嘢做到好攰就會食零食補充糖分，但係零食始終唔健康，於是會買啲nuts，擺喺寫字樓。不過食得多都有啲悶，所以細細粒的車厘茄就係好選擇。
有時中午去買一盒，下晝做嘢已經食咗半盒，拎到返屋企，再食埋剩低果一半。平均一日一盒，真係取代零食嘅好選擇。