攝自台中茂盛醫院，睇到呢隻蛋就諗起凍卵哈哈^^
好多人都話「有仔趁嫩生」，因為卵子質量同數量會隨年齡增長而衰減，卵子既質量同身體一樣越老越衰退。不過好彩，現今輔助生育技術日漸成熟，冷凍卵子再唔係新鮮事，唔少女明星都表示要冷凍卵子，「有仔趁嫩生」已非必然，「有卵趁嫩雪」先至係王道。
三十歲起我開始好怕過時過節同親戚食飯見面，次次見面一定會被問到:「有對象未？幾時結婚啊？快d結婚生子仔啦，仔要趁嫩生，唔係好難生㗎，高齡產婦好危險㗎……」每次聽到諸如此類既說話我都覺得難聽過粗口啊！舊年先同拍咗拖八年既男朋友分手，雖然依家唔想結婚生子，但可能將來遇到Mr.Right ，到時我又唔想將來做高齡產婦，咁可以點？
於是我對凍卵好感興趣，因為就嚟35歲，希望卵子質素未太差前，好好保存，留俾將來老公多一個選擇。於是我下定決心去搵有做凍卵服務既醫院。但原來香港有做凍卵手術既醫院收費好貴，而且有儲存期限。我曾經喺台灣讀書，知道台灣有好多婦科醫院，收費平香港一大截，而且技術仲好專業，所以我最後選擇咗返台灣做凍卵手術。睇咗好多討論區同blog之後，最後我揀咗台中茂盛醫院，因為佢哋院長係台灣嘅權威，對凍卵同不孕症治療非常有經驗既，唔使擔心卵子嘅儲存同埋第日要用時解凍既問題。因為有好多女明星凍卵，所以而家都好流行，我都係同啲台灣同學傾開，佢哋先講呢個話題，就算第日遲結婚都唔使擔心，而且已冷凍既卵子冇冷凍時間限制，唔使擔心擺得太耐，可隨時解凍使用，好似我做既呢間茂盛，每年都係比台幣$6000保存費。
就係咁，我同公司請左假飛去台中，做呢次可能影響我一生既凍卵手術。呢度想先講講可能有d人會覺得台中冇咁方便，但其實兩地每日都有航班直飛，而且我成個旅程都安排得好好，因為去之前我係透過茂盛佢地專門負責海外客戶既國際事務部預約既，當然我台灣讀書國語都有番咁上下，不過我深印象既係原來佢地都識英文既服務員，而且醫生本身都英文流利，可能因為佢地有好多都係外國客人同埋香港人，你知架啦，香港人有幾多個識講普通話呢哈哈！所以溝通完全沒問題。
去到現場，先影張外觀先！
好勒，之後講講過程，頭先都講過，首先同茂盛既國際事務部預約，之後我係月經第一日就訂機票，然後第三日就去到台灣，大約留左兩個禮拜就完成凍卵。記得當時做手術前八個鐘唔可以食嘢同飲水，因為成個過程係全身麻醉，好似瞓覺咁，大約半個鐘就搞掂。因為一直都係一個人面對成個過程，好多時都有啲擔心，好彩茂盛醫院啲姑娘都好好，解釋得好詳細，見到我表現不安嘅時候，就盡量安撫我嘅情緒，喺呢度真係要多謝佢哋。
大堂好似酒店咁靚，令人覺得好relax，唔似一般醫院咁嚴肅
放左好多藝術品，好有氣派
呢個小提琴係有個做试管成功既音樂家送俾茂盛，好有記念價值
值得一提既係同香港唔同，茂盛醫院可以選擇男醫生或者女醫生，我就揀咗李俊逸醫生，佢係李茂盛院長個仔（其實冇乜關系哈哈！），主要係我睇過網上其他人對佢既評價，幾唔錯，事實上佢俾我印象都好好，態度專業而且好樂意講解任何問題，仲有佢都幾溫柔下，聽講好多台灣女明星都指定搵佢，當然茂盛仲有其他醫生，都ok的。
呢個就係李俊逸醫生，佢負責我個Case，值得推薦！
其他醫生評價都幾好，例如呢個林醫生都幾有名下
雖然而家未有拖拍，但係我都努力做好準備，凍卵係第一步，跟住就係要好好管理自己情緒，等待Mr.Right，唔知幾時會出現呢？但anyway，我都會好好過我選擇既人生，一直加油！
係啦，我既凍卵故事就分享到呢度，差d唔記得，如果對凍卵有興趣，可以參考下茂盛醫院 https://www.ivftaiwan.com/treatment-detail/26/ ，呢個佢地網址都好多資料，同埋建議like埋佢地個Facebook https://www.facebook.com/ivftaiwan/ ，不時都會有直播講解，可以留意下，始終香港真係貴好多，台灣係個唔錯選擇。
好勒，記得留意我下次分享，鐘意我寫既野就share下啦唔該^^Bye!
I feel good for everything 